Enti Rregullator i Energjisë ka vendosur një sërë rregullash të reja të cilat duhet të respektohen me përpikmëri nga furnizuesit.
ERE ka hartuar një rregullore e cila do të ndiqet nga kompanitë e furnizimit me energji elektrike . Rregullorja do të nxirret në konsultim publik me palët e interesit përpara se të bëhet miratimi përfundimtar i saj.
Na bazë të këtij dokumenti, çdo furnizues ka si detyrim të informojë konsumatorin me informacionin e nevojshëm mbi kushtet, çmimet, periudhën si dhe mundësinë për të gjetur një furnizues tjetër. Gjithashtu konsumatorët kanë të drejtë të reagojnë në lidhje me shërbimin që marrin.
Enti Rregullator i Energjisë me anë të kësaj draft-rregullore garanton monitorimin e këtyre treguesve dhe në rast se ato nuk respektohen do të aplikohen gjoba. Sipas këtij drafti, performanca e furnizuesit në cilësinë e shërbimit do të cilësohet: E mirë nëse ka më pak se 3% të totalit të klientëve që kanë ushtruar ankim në lidhje me keqfaturimin; E kënaqshme, nëse ky tregues është 3% dhe jo e mirë nëse ai arrin në mbi 3%.
Nëpërmjet këtyre ankesave do të bëhet dhe vlerësimi i performancës së furnizuesit. Përveç klientëve me tensionin 35 KV, të cilët tashmë kanë dalë në treg të lirë energjie pritet dhe dalja e klientëve në 20 KV që kanë edhe më të konsiderueshëm në numër e që do të duhet të përzgjedhin vetë furnizuesin e tyre të energjisë.
