Rreh motrën në bashkëpunim me gruan, arrestohet

Policia në Gjirokastër ka arrestuar një 47-vjeçar, që dyshohet se ka ushtruar dhunë ndaj motrës.

Ndërsa, u procedua në gjendje të lirë gruaja e tij, pasi ka bashkëpunuar me burrin në këtë ngjarje.

“Specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin A. Sh., 47 vjeç, banues në Gjirokastër, si dhe nisi procedimi në gjendje të lirë për bashkëshorten e tij, shtetasen M. Sh., 44 vjeçe, pasi kanë ushtruar dhunë fizike ndaj motrës së shtetasit A. Sh”, njofton policia.