Ambasadori i SHBA-së në Meksikë Ken Salazar është takuar me Presidentin Andres Manuel Lopez Obrador në Meksikë pasi gjendja dhe vendndodhja e katër amerikanëve që u rrëmbyen me armë mbeten të panjohura.
Sipas FBI-së, shtetasit e paidentifikuar amerikanë u zunë pritë të premten nga persona të armatosur që qëlluan mbi grupin menjëherë pasi ata kaluan nga Brownsville, Teksas, në Matamoros, Tamaulipas. Amerikanët po ngisnin një furgon të bardhë me targa të Karolinës së Veriut.
Rrëmbyesit i futën të katër në një automjet tjetër përpara se të largoheshin nga vendi i ngjarjes. Salazar theksoi se një qytetar i pafajshëm meksikan u vra gjatë sulmit.
“Ne nuk kemi prioritet më të madh se siguria e qytetarëve tanë – ky është roli më themelor i qeverisë së SHBA,” tha ambasadori në një deklaratë .
Salazar tha se agjenci të ndryshme të zbatimit të ligjit po punojnë me autoritetet meksikane në të gjitha nivelet e qeverisjes për të arritur kthimin e sigurt të bashkatdhetarëve amerikanë. Mediat e huaja raportojnë se, FBI po ofron një shpërblim prej 50 mijë dollarësh për kthimin e amerikanëve dhe arrestimin e të përfshirëve.
Discussion about this post