Me datë 21 nëntor në Greqi është rrëmbyer një 30-vjeçare dhe dyshohet se autorët janë shqiptarë. Fatmirësisht e reja është shpëtuar dhe ka treguar në polici se shoferi fliste shqip. Sipas saj, ngjarja ka ndodhur në kryqëzimin e Kargiorgi dhe Iliou, ku për një moment i janë afruar tre burra dhe e kanë futur me dhunë në një automjet.
Më pas, njëri prej autorëve e ka goditur me grushte në kokë, duke i shkaktuar humbjen e ndjenjave dhe më pas është zgjuar pa e ditur se ku është me tre autorët që e ruanin. Për shkak të faktit se e reja vuan nga një sëmundje që shkakton dobësi, ajo ka humbur sërish ndjenjat dhe të panjohurit e kanë braktisur në një stacion në Larisa, ku është gjetur nga një shofer taksie.
Sipas denoncimit, makina ishte gri me pjesën gramatikor e “EME” në targë. Të panjohurit i kishin tiparet e fytyrës të mbuluara me kapuç të plotë. Por, gjatë rezistencës vajza arriti t’i hiqte kapuçin një autori dhe përshkruan se ishte një djalë i ri deri në 30 vjeç, i stërvitur mirë, me mjekër, sy të errët, flokë të errët me kokë të rruar përreth. Ndër të tjera, ajo tregoi se shoferi ishte më i vjetër me zë të trashë dhe fliste shqip.
Gjithsesi, do të pritet edhe ekspertiza mjeko-ligjore, ndërkohë që policia po merr në pyetje vajzën në përpjekje për të identifikuar autorët. Rrobat dhe portofoli i 30-vjeçares tashmë janë dërguar për ekzaminim laboratorik në Drejtorinë e Hetimeve Kriminologjike
Discussion about this post