Rrëmbehet në mal një person, ja çfarë ndodhi në kryeqytetin shqiptar

Policia ka bërë me dije se një person është rrëmbyer dhe është dërguar në një mal në afërsi të Prishtinës.

Sipas raportit të Policisë së Kosovës bëhet e ditur se ngjarja ka ndodhur të hënën në rrugën “Fadil Vata”, në Prishtinë.

Po ashtu bëhet e ditur se njësitë e hetimeve rajonale janë duke e trajtuar rastin.

“Njësitë policore kanë filluar ta trajtojnë rastin. Pas disa orësh personi që dyshohet se ka qenë i rrëmbyer është paraqitur në stacion policor. Njësitë e hetimeve rajonale janë duke e trajtuar rastin”, thuhet në raport. Ndërkaq, siç bëhet e ditur nuk raportohet për të arrestuar deri më tani.