Një DJ i njohur turk është rrëmbyer e torturuar deri në vdekje nga persona të panjohur, ndërsa trupi i pajetë iu gjet në një pyll nga një qytetar që po shëtiste qenin.
Mehmet Koray Alpergin, 43 vjeç, u rrëmbye në Londër dhe sipas ekspertizës mjeko-ligjore është rrahur me shkopinj dhe është goditur me thikë në këmbë.
Mehmet Koray Alpergin, 43 vjeç dhe e dashura e tij 34-vjeçare, Gozde Dalbudak, u rrëmbyen nga gjashtë burra pranë stadiumit të Tottenham Hotspur ndërsa po ktheheshin në shtëpi nga një restorant italian në Mayfair më 13 tetor 2022, sipas Telegraph.
Dj u gjet i zhveshur dhe i hedhur në një pyll dhe i ishte nënshtruar torturave të tmerrshme duke përfshirë rrahje me shkop, çarje me thikë në këmbë dhe djegie të shkaktuara nga derdhja e ujit të nxehtë mbi të.
Trupi i tij i pajetë u gjet nga një burrë që kishte marrë qenin e tij për një shëtitje në pyll.
Prokuroria pretendon se Koray Alpergin u rrëmbye dhe u torturua ose për t’u ndëshkuar për diçka që kishte bërë ose për ta detyruar atë të dorëzonte diçka që e dinte, ndoshta vendndodhjen e drogës ose të parave që rrëmbyesit e tij donin të dinin.
DJ i njohur gjithashtu thuhet se kishte rreth 40,000 dollarë borxhe.
Discussion about this post