Gjykata e Tiranës ka caktuar masën e sigurisë “arrest me burg” për Denalda Çezmën dhe Shkëlqim Koçakun, të akuzuar për pengmarrjen e 31-vjeçarit Ermil Sorra. Çezma kërkoi lirimin nga burgu me pretendimin se ka një fëmijë për të rritur.
“Donte të kishte një lidhje me mua. Ndaj më bezdiste. Nuk i kam marrë lekë borxh. Dua lirinë, kam një vajzë 14-vjeçe, mos më lini në burg, më lironi”, mësohet të jetë shprehur vajza.
Personat e lartpërmendur u arrestuan pasi rrëmbyen dhe dhunuan 31-vjeçarin për një borxh prej 20 mijë eurosh. Ermil Sorra, është marrë peng dhe dhunuar nga Shkëlqim Koçeku dhe Sulltan Picari, dyshohet me porosi të Denalda Çezmës.
Kjo e fundit i kishte dhënë borxh Sorrës, me të cilin kishte shoqëri, pasi i kishte thënë se ishte i prekur nga kanceri dhe i duheshin paratë për t’u kuruar, por ai dyshohet të mos ia ketë kthyer borxhin, dhe vajza i ka kërkuar ndihmë të fejuarit.
Për ngjarjen u arrestuan Shkëlqim Koçekun dhe Denalda Çezma, si dhe është shpallur në kërkim Sulltanin Picari. Akuza që rëndon mbi ta është për “Heqje të paligjshme e lirisë” duke përdorur torturën, kryer në bashkëpunim.
Discussion about this post