Drejtuesit e kampionëve të Francë nuk kanë vetëm çështjen “Mbappe” për të zgjidhur. Problemit të sulmuesit i shtohet edhe lëkundja e pozicionit të trajnerit Luis Enrique, i emëruar në këtë detyrë më 5 korrik, pra vetëm një muaj më parë.
Prestigjiozja “Marca” raporton se ish-trajneri i Barcelonës dhe kombëtares spanjole po mendon të japë dorëheqjen, për shkak të situatave të paqarta te PSG. Gjithçka nis nga situata e Mbappesë. Sulmuesi francez nuk u lejua të udhëtonte me skuadrën për në Japoni, për turneun aziatik, duke pasur parasysh dyshimet që ekzistojnë ende për të ardhmen e tij.
Gjithsesi, kësaj çështjeje i është shtuar edhe pozicioni i Luis Campos: sipas “Le Parisien”, drejtori sportiv i PSG-së mund të thotë lamtumirë në muajt në vijim dhe kjo do të krijonte shqetësim të madh te Luis Enrique, i dëshiruar shumë nga vetë Campos.
Në këtë dritare merkatoje, pra, me situatën e Mbappesë, marrëdhënia mes Campos dhe Al-Khelaifi është përkeqësuar më tej. Për momentin, megjithatë, Enrique pret të kuptojë nëse “krizat” brenda PSG-së do të zgjidhen dhe se çfarë do të ndodhë me situatën e Mbappe-s, para së gjithash.
Më pas do të duhet të sqarohet pozicioni i Campos: vetëm atëherë do të kuptohet plotësisht nëse Luis Enrique do të tërhiqet vërtet nga PSG. Një situatë e pabesueshme te PSG.
Discussion about this post