Disa vite më parë, Elsa, vajza e cila ditën e sotme është bërë pjesë e programit “E diela shqiptare” në TV Klan iu drejtua e vetme rrugëve të emigrimit pa lajmëruar askënd. Elsa ka zgjedhur të marrë pjesë në rubrikën e emisionit “Ka Një Mesazh Për Ty” për të treguar dhe ndarë me publikun historinë e saj. Ajo fillimisht ka nisur të rrëfejë katër ditët më të vështira të jetës së saj, teksa në shtëpi kishte lënë një letër për prindërit e saj ku shkruhej një mesazh rrëqethës.
Fillimisht e pyetur nga moderatori i programit Ardit Gjebrea se si ka shkuar në Greqi, Elsa është përgjigjur se ka shkuar në një mënyrë jo të zakonshme dhe shumë të vështirë.
“Siç mbarova gjimnazin, ika me këmbë nga malet. Vuajta shumë, katër ditë dhe prindërve nuk u thashë që do iki, të them të drejtën. Nuk iu kisha thënë gjë. Babit i kisha lënë një letër, ia kisha lënë motrës, vetëm motrës i thashë. I lashë një letër, kur të kuptojnë që unë kam munguar, jepi letrën babit.”
Më pas, Elsa tregon se mbasi është larguar familjes së saj i ka lënë një letër lamtumire me fjalë prekëse, pasi nuk ishte e sigurt se do mund ti mbijetonte udhëtimit.
“Në letër kisha shkruar që nëse mëson gjëra të reja nga mua, rroj, në qoftë se jo, kam vdekur. Është një gjë shumë e tmerrshme për një prind. Po nuk isha e sigurt nëse do rroja, nuk isha e sigurt për veten time, kisha dëgjuar shumë gjëra”
Sot, Elsa jeton në ishullin e bukur të Zakinthos, ku është përballur me vështirësi të tjera në një vend aq përrallor.
Discussion about this post