Autoritetet ruse dhe ukrainase miratuan ditën e sotme një plan për të evakuuar civilët në Mariupol. Sipas burimeve zyrtare, deri më tani rreth 2,000 civilë janë evakuuar nga Mariupoli, shkruan The Guardian.
Raportohet se disa makina private iu bashkuan 42 autobusëve të shoqëruar nga automjetet e Kryqit të Kuq dhe të shërbimeve të urgjencës ukrainase nga Berdyansk në Zaporizhia.
Mbi 100,000 civilë kanë mbetur të bllokuar në qytetin e Mariupolit. Ndërkohë zëvendësministri i Ukrainës, Oleksii Iaremenko, tha se tashmë prej 36 ditësh që nga fillimi i luftës, Mariupol nuk ka marrë asnjë furnizim mjekësor ose humanitar.
Mariupol është qyteti më i madh ukrainas në Detin Azov, i cili lidhet me Detin e Zi përmes ngushticës së ngushtë të Kerçit.
Qyteti është i rëndësishëm për Rusinë sepse do të përfundonte me kontrollin e plotë të më shumë se 80% të vijës bregdetare të Ukrainës në Detin e Zi, duke ndërprerë tregtinë e saj detare dhe duke e izoluar më tej atë nga bota.
Discussion about this post