Në vitin 2020, 729 000 persona morën nënshtetësinë e një shteti anëtar të BE-së, një rritje prej rreth 3 % krahasuar me vitin 2019 nga të cilit 5,5% ishin shtetas shqiptar. Rreth 41 mijë shqiptarë morën nënshtetësinë në Bashkimin Europian duke u renditur të tretët pas marokenëve (68 900), sirianëve (50 200) duke lënë pas rumunët (28 700) dhe brazilianët (24 100).
Tabela e vendeve që kanë marrë nënshtetësinë në Bashkimin Europian.
Pjesa më e madhe e tyre jetonin në Itali dhe Greqi, vende të cilat kanë shumicën e emigrantëve shqiptarë, të cilët në vite po bëhen shtetas me të drejta të plota në këto vende. Pesë vendet kryesore që japin shtetësinë përbënin 74% të shtetësive të reja të dhëna në BE në 2020: Italia (131 800), Spanja (126 300), Gjermania (111 200), Franca (86 500) dhe Suedia (80 200).
Rreth 620 600 persona ose 85 % e atyre që kanë marrë nënshtetësinë e një shteti anëtar të BE-së në vitin 2020 kanë qenë më parë shtetas të një vendi jo anëtar të BE-së, me banim në shtetin anëtar përkatës. Kishte gjithashtu 92 200 qytetarë të BE-së që morën nënshtetësinë e një shteti tjetër anëtar të BE-së, 13% e numrit të përgjithshëm të shtetësive të fituara rishtazi.
Shtetet Anëtare kyçe të BE-së që i japin shtetësinë secilës prej 5 kombësive kryesore janë, përkatësisht:
Marokenët: Spanja (41 %), Italia (26 %) dhe Franca (19 %)
Sirianët: Suedia (49%), Holanda (32%) dhe Gjermania (13%)
Shqiptarët: Italia (69 %) dhe Greqia (27 %)
Rumunët: Italia (40 %) dhe Gjermania (21 %).
Brazilianët: Portugalia (42 %), Italia (30 %) dhe Spanja (14 %)
Gjysma e atyre që fituan një shtetësi të re ishin 33 vjeç ose më pak
Shpërndarja sipas gjinisë tregon një mbizotërim të lehtë të femrave (51 %, krahasuar me 49 % meshkuj), veçanërisht për grupmoshat 30-34 dhe 35-39 vjeç (53,5 % femra).
Në vitin 2020, mosha mesatare e personave që fitonin shtetësinë në të gjithë BE-në ishte 33 vjeç. Shteti anëtar me moshën mesatare më të ulët ishte Greqia: gjysma e qytetarëve të saj të rinj ishin më të rinj se 18 vjeç. Mosha mesatare më e lartë (45) ishte në Bullgari.
Shpërndarja e moshës ndryshonte nga një shtet anëtar në tjetrin për shkak të dallimeve në legjislacionin e shtetësisë dhe strukturën e moshës së popullsisë jokombëtare (shih burimet e të dhënave). Megjithatë, tipari i përbashkët që bashkonte të gjitha shtetet anëtare ishte se shumica e shtetësive të reja fitoheshin nga të rinjtë dhe se numrat binin me moshën.
Në vitin 2020, 36 % e personave që iu dha shtetësia e një vendi të BE-së ishin më të rinj se 25 vjeç; 42% të tjerë ishin të moshës 25 deri në 44 vjeç, ndërsa ata të moshës 45 vjeç e lart përbënin 22%.
Tabela më numrin e shqiptarëve që kanë marrën nënshtetësi në Itali dhe Greqi.
Grafiku i shpërndarjes së nënshtetësisë sipas moshës dhe seksit në Bashkimin Europian
Discussion about this post