Reshjet e dendura gjatë natës kanë ngritur rrezikun për përmbytjen e disa banesave në Mirditë, ku përroi i Zmejës i fryrë nga shirat është kthyer në kërcënim. Po ashtu, ka bllokim të rrugës në Shkopet.
Ekipe shpëtimi të Mbrojtjes Civile dhe të zjarrfikësve si edhe punonjës të firmës që mirëmban rrugët janë dërguar në vend.
Nga N/Prefekti në Mirditë bëhet e ditur se përroi i Zmejës ka prurje të mëdha dhe rrezikohen përmbytjet e disa banesave. Në vendngjarje janë strukturat e MZSH dhe të MC, Mirditë.
Ndërsa nga Policia Rrugore në Lezhë mësuam se në aksin rrugor Skuraj -Burrel kemi rënje masive gurësh dhe bllokim të rrugës, në fshatin Shkopet. Kjo rrugë mirëmbahet nga firma Geci, e cila u lajmërua dhe po merr masa për zhbllokimin e rrugës dhe kthimin në normalitet. N/Prefekti i Kurbinit po drejton operacionin.
Pamje nga Lezha sot.
Discussion about this post