Kampionia olimpike e xhudos, Majlinda Kelmendi ka shkruar një letër shumë të ndjerë drejtuar të gjitha grave dhe vajzave, të cilat kanë nevojë për mbështetje apo frymëzim për realizimin e ëndrrave dhe qëllimeve të tyre.
“Zhgënjime do të ketë. Edhe dyer të mbyllura dhe grupe njerëzish që do t’ua bëjnë rrugën vështirë të kalueshme. Mirëpo kjo është e bukura. Çdo sfidë e kaluar shndërrohet në mësimin e radhës. Mblidhni vështirësitë dhe shndërrojini në forcë. Guxoni të ëndërroni dhe vraponi fuqishëm pas ëndrrës tuaj”,-shkruan Kelmendi për “Jahjaga Foundation”, fondacion për gratë dhe vajzat.
Kelmendi ka treguar në këtë letër edhe rrugëtimin e saj pengesat e shumta dhe arritjen e qëllimit, duke u bërë e para shqiptare që fitoi një medalje të artë në Lojërat Olimpike, në Rio 2016.
Ndërsa në korrik të këtij viti xhudistja vendosi të tërhiqej përfundimisht nga ky sport në moshën 30-vjeçare./K.T/Gijotina.com
