Kombëtarja e Anglisë është duke u përballur nme një problem shumë serioz, me pesë lojtarë që refuzojnë të vaksinohen për t’u mbrojtur nga Covid-19.
Mediat britanike raportojnë se ky lajm është konfirmuar nga burime brenda delegacionit të përfaqësueses së futbollit.
Ndërsa ky është një problem shumë i madh pasi lojtarët që do jenë pjesë e Kupës së Botës vitin e ardhshëm në Katar duhet të jenë të vaksinuar ose përndryshe nuk do lejohen të marrin pjesë.
Kështu trajneri Gareth Southgate rrezikon të mos ketë emra të rëndësishëm të skuadrës së tij në takimet më të vështira për trofeun kampion të Botës.
Ndërsa arsyet e refuzimit të vaksinave janë nga më të ndryshmet, me një prej të cilëve ka thënë se është shumë i ri dhe nuk preket nga virusi, pavarësisht dëshmive se Covid mund të infektojë edhe të vegjlit.
Ndërsa vetë Southgate duke mbështetur fushatën e vaksinimit, në verë, ka thënë: “Nuk ka dyshim, se programi i vaksinimit është mënyra jonë më e mirë për të dalë nga ky problem”.
Ndërsa burime brenda grupit të Kombëtares kanë thënë për ‘The Sun’: “Grupet në “Whatsapp” janë përmbytur me teori konspirative anti-vaksinuese. Shumë lojtarë të moshuar janë mashtruar nga argumentet dhe mitet e vaksinave në internet dhe refuzojnë të ndryshojnë kurs. Nëse Katari vazhdon me planet për të kërkuar pasaporta të vaksinës Covid nga tifozët dhe lojtarët, ky do të jetë një problem për Anglinë”.
Nga ana tjetër shumë kanë frikë se situata mund të shkaktojë një përçarje në dhomën e zhveshjes duke pasur parasysh pozicionet e ndryshme mbi këtë çështje./K.T/Gijotina.com
