Një shqiptar rrezikon 20 vjet heqje lirie teksa akuzohet se ka hyrë ilegalisht në Shtetet e Bashkuara edhe pse kishte një ndalesë të përjetshme për të shkelur në tokën amerikane.
Shqiptari Alban Lukaj, 52 vjeç, është arrestuar në Jacksonville disa javë më parë, teksa u kap nga oficerët e emigracionit dhe doganave.
Lukajt I ishte ndaluar hyrja në SHBA, pasi kishte përfunduar një dënim me 10 vjet burg, për veprat penale të trafikimit të narkotikëve dhe plagosje të rëndë me armë zjarri.
Më 10 shkurt 2020, pas lirimit nga burgu shtetëror, Lukaj u deportua në Shqipëri.
Por duke mos respektuar vendimin, Lukaj duket se është rikthyer në SHBA në rrugë ilegale apo duke përdorur dokumente me identitet të rremë, ndërsa u kap në gusht të 2023.
Tashmë ai pret të përballet me drejtësinë.
Discussion about this post