Policia ka reaguar pas fotos që qarkulloi në rrjetet sociale ku dukeshin qartazi sesi inertet e hedhura te “Rana e Hedhun” në plazhin e Shëngjinit rrezikonin pushuesit si rezultat i rënies së gurëve. Bëhet me dije se janë vënë nën hetim, dy persona dhe materialet janë dërguar në prokurorinë e Lezhës pasi me veprimet e tyre kanë rrezikuar edhe pushuesit që po vizitonin plazhin e bukur të Ranës së Hedhun.
“Më datë 21.07.2022, u referuan materialet në Prokurorinë pranë Gjykatës së Shkallës së Parë Lezhë për shtetasit S.T, dhe L.A. 52 dhe 42vjeç, banuesë në Tiranë, sepse më datën 20.07.2022, janë konstatuar në zonën e “Ranës së Hedhun”, Shëngjin, Lezhë, duke kryer punime në rrugën Shëngjin-Velipojë, të cilët kanë rrezikuar pushuesit, si rezultat i renies së gurëve. Neni 289 i Kodit Penal,”-thuhet në njoftimin e policisë.
Discussion about this post