Ditën e djeshme një avion i vogël, tip “Piper”, është rrëzuar në zonën e Vermoshit, në Malësinë e Madhe. Paraprakisht është mësuar që avioni ka pësuar defekt gjatë fluturimit dhe është ulur në një zonë në rreth 1100 metra mbi nivelin e detit.
Ndërkohë që dyshimet ishin se brenda në avion kanë qenë dy persona, piloti dhe një pasagjer, të cilët kanë braktisur mjetin pasi kanë arritur të ulen. Një bari i zonës ka parë të gjithë ngjarjen dhe ka shkuar pranë mjetit kur është rrëzuar për të ndihmuar dy personat që ndodheshin në bord. Më pas, bariu ka treguar se pranë vendit ku u ul avioni i vogël ka shkuar një makinë e bardhë dhe i ka marrë të dy, pilotin dhe pasagjerin e tij.
Duke parë rrethanat e ngjarjes, krijojnë dyshime se avioni mund të përdorej për transport të lëndëve narkotike. Një fakt tjetër është edhe mos reagimi i Autoritetit të Aviacionit Civil, i cili nuk ka bërë një deklaratë zyrtare se nga ka hyrë avioni, pse nuk është pikasur nga ky autoritet dhe nëse ka pasur leje fluturimi në territorin shqiptarë.
Kujtojmë që në vitin 2014, në Divjakë afër zonës së plazhit i cili do të ngarkohej me lëndë narkotike, bëri ulje të gabuar duke u rrëzuar. Në lidhje me këtë ngjarje Aviacioni Civil reagoi menjëherë me anë të një njoftimi, duke treguar se avioni i bllokuar kishte leje fluturimi në hapësirën shqiptare. Ndërsa në ngjarjen e djeshme, ende nuk kemi një reagim zyrtar dhe për këtë nuk po flet njeri.
Gijotina.com
