Barcelona u mund nga Bayern Munich me rezultatin 3-0 mbrëmjen e së mërkurës në takimin e fundit të raundit të grupeve, duke humbur kështu mundësinë për të vazhduar më tej në Champions League dhe duke u rikthyer pas 17 viteve në Europa League.
Duke folur pas kësaj disfate, tekniku i katalanasve, Xavi Hernandez u shpreh se tashmë fillon një epokë e re për klubin e Barçës.
“Bayern sot ishte më i mirë dhe më superior. Ne u munduam, por na vunë poshtë. Kjo është e vërteta e hidhur. U thashë futbollistëve që sot nis një epokë e re. Jam që i vogël me Barcelonën dhe jam shumë i lënduar nga kjo gjendje. Nuk duhet t’ia lejojmë vetes që të vazhdojmë në këtë gjendje. Do ta nisim nga zero. Mendoja se mund të ishim më mirë, por e vërteta është që jemi dobët. Tani jemi të zhgënjyer, por do ta kthejmë Barcelonën në vendin që i takon”,-tha tekniku i ‘Blaugranas’.
Rikthim në Europa League që nuk kishte ndodhur që nga momenti kur Lionel Messi u bashkua me skuadrën spanjolle./K.T/Gijotina.com
Discussion about this post