Rrëzohet avioni i vogël në gjirin e Floridës, gjenden 4 trupa

Trupat e dy burrave dhe dy grave janë gjetur pas një aksidenti të një aeroplani të vogël në brigjet e Gjirit të Floridës, tha policia të enjten.

Sipas mediave të huaja, aeroplani sapo ishte nisur nga aeroporti i Venice-s kur u rrëzua në Gjirin e Meksikës në perëndim të skelës së peshkimit të qytetit pak pas orës 21:30.

Disa njerëz në skelë panë rrëzimin e aeroplanit dhe thirrën 911, tha kapiteni i policisë, Andy Leisenring.

Përveç kësaj, pamjet video nga aeroporti dhe skela do të shqyrtohen dhe do t’i dorëzohen Bordit Kombëtar të Sigurisë së Transportit, i cili po kryen një hetim, tha ai.

Aeroplani – një Piper PA-32R – u pa pak para mesditës nën rreth 7 metra ujë, tha ai. Ekuipazhet gjetën edhe trupat e dy pasagjereve femra.