Një ngjarje e rëndë u shënua në Brazil gjatë së dielës, pasi një avion i vogël u rrëzua në qendër të qytetit të Gramado, Rio Grande do Sul, duke shkaktuar të paktën 10 të vdekur.
Shefi i zjarrfikësve Pedro Henrique Costa i tha Radio Gaucha se avioni ishte një turboprop me dy motorë dhe kur u rrëzua, goditi një ndërtesë, një shtëpi, një dyqan mobiljesh dhe rrënojat ranë në një han.
Pronari dhe piloti i avionit, Luiz Claudio Galeazzi, vdiq së bashku me nëntë pasagjerët e tjerë, të gjithë anëtarë të familjes së tij, sipas guvernatorit të Rio Grande do Sul, Eduardo Leite.
Ndërkohë 17 persona u plagosën në zonën ku u rrëzua avioni, tha Leite në një konferencë për mediat, ku 12 marrin ende kujdes spitalor, mes tyre dy në gjendje kritike.
Discussion about this post