Rrëzohet avioni në Norvegji, tre persona humbin jetën

Të paktën tre persona kanë humbur jetën si pasojë e rrëzimit të një avioni të vogël në afërsi të Larvik-ut në Norvegji.

Sipas televizioni norvegjez NRK, shefi i policisë në Larvik, Tor Eriksen tha se avioni i vogël është rrëzuar gjatë trajnimit, ndërsa për momentin nuk dihet shkaku i aksidentit.

“Aksidenti ndodhi sot në mëngjes. Avioni u rrëzua në një hapësirë me terren të vështirë. Kërkimet tona vazhdojnë por mund të them se nuk shpresojmë që personat e avionit të arrijmë t’i gjejmë të gjallë. Mund të them se kanë vdekur”, theksoi Eriksen.

Në njoftim “Torp Pilot Flight Academy” para disa kohësh tha se avioni i rrëzuar u përkiste atyre.