Një incident ajror ka ndodhur në zonën e Etnas. Bëhet fjalë për një avion Canadair i cili u rrëzua pasi u përplas në shpatet e vullkanit, në Linguaglossa (Catania). Mjeti fluturues ishte në aksion për të ndihmuar shuarjen e një zjarri të madh.
Aktualisht nuk ka asnjë lajm për ekuipazhin dhe shkaqet e aksidentit. Në vendngjarje ndodhen ekipet e shpëtimit, karabinierët dhe personeli i 118.
Avioni i drejtuar nga dy pilotë për të cilët nuk ka asnjë lajm, së fundmi ishte furnizuar me karburant në det, në zonën përballë Giarre dhe më pas kishte rifilluar operacionin për shuarjen e zjarrit të zhvilluar në zonën e malit Calcinera.
Përplasja, sipas disa dëshmitarëve të pranishëm në vend, është pasuar nga një shpërthim, i cili ka shkaktuar një zjarr të madh. Zjarrfikësit ndërhynë në vendngjarje, duke përfshirë një ekip ekspertësh Speleo alpino alpino fluviale (Saf). I pranishëm ishte edhe një helikopter i korpusit pyjor të Rajonit të Sicilisë.
Discussion about this post