Rrëzohet nga biçikleta, humb jetën i moshuari në Korçë

Një i moshuar ka humbur jetën në Korçë pasi është rrëzuar nga biçikleta. Aksidenti ndodhi rreth orës 09:30, në lagjen nr. 17, ndërsa viktima është B.D., 76 vjeç, banues në fshatin Ravonik.

Burime zyrtare nga policia thanë se pranë vendit të quajtur “Kryqëzimi i Voskopit”, duke drejtuar një biçikletë, 76-vjeçari është rrëzuar në rrugë dhe gjatë transportimit për në spitalin e Korçës, ka ndërruar jetë.

Grupi hetimor po punon për sqarimin e rrethanave të ngjarjes dhe përcaktimin e shkaqeve të vdekjes, ku paraprakisht dyshohet për shkaqe natyrale, shtuan të njëjtat burime.