Rrëzohet nga një objekt dykatësh 40-vjeçari në Dhërmi

Një 40-vjeçar banues në Korçë, ka rënë nga një objekt dykatësh. Sipas policisë, 40-vjeçari i identifikuar me iniciale K.H., në momentin kur ka ndodhur ngjarja ka qenë duke punuar, ndërsa aktualisht ndodhet në kujdesin e mjekëve.

Sakaq grupi hetimor po punon për të verifikuar rrethanat e ngjarjes.

“Më datë 31.03.2022, në fshatin Dhërmi, Himarë, duke punuar, ka rënë nga një objekt dykatësh, shtetasi K. H., 40 vjeç, banues në Korçë, i cili ndodhet nën kujdesin e mjekëve. Grupi hetimor ndodhet në vendngjarje dhe po punon për të zbardhur rrethanat e ngjarjes”, thuhet në njoftimin për shtyp nga policia.