Një 65-vjeçar ka humbur jetën këtë të shtunë në Vlorë teksa mblidhte ullinj, pasi aksidentalisht është rrëzuar nga pema. Policia njofton se ngjarja ndodhi në fshatin në fshatin Bestrovë, Vlorë ku ndërroi jetë L. V., rreth 65 vjeç.
Policia bën me dije se një incident i ka ndodhur edhe punonjësit të gjelbërimit në qytet, teksa krasiste pemët, ku është rrëzuar dhe ndodhet në gjendje të rëndë në spital.
Njoftimi i plotë:
Vlorë/Informacion paraprak
Paraditen e sotme, në fshatin Bestrovë, Vlorë, dyshohet se duke mbledhur ullinj është rrëzuar aksidentalisht nga pema, shtetasi L. V., rreth 65 vjeç, i cili ka ndërruar jetë.
Po sot, në lagjen “Pavarsia”, Vlorë, dyshohet se duke krasitur pemët, është rrëzuar aksidentalisht nga pema, punonjësi i gjelbërimit, shtetasi E. H., 58 vjeç, i cili aktualisht ndodhet në spitalin e Vlorës, nën kujdesin e mjekëve.
Grupi hetimor po punon për zbardhjen e plotë të rrethanave, për të dyja ngjarjet.
Discussion about this post