Grupi Parlamentar i Partisë Demokratike ka depozituar paraditen e sotme në Kuvendin e Shqipërisë, kërkesën për ngritjen e Komisionit Hetimor për parandalimin e konfliktit të interesit në ushtrimet e funksioneve publike.
Kërkesa ishte firmosur nga 35 deputetë të Partisë Demokratike, të cilët thonë se janë të nevojshme hetimet mbi veprimet institucionale të zyrtarëve që kanë konflik interesi me funksionet publike.
Sikurse edhe herët e tjera përfaqësuesit e mazhorancës në Konferencën e Kryetarëve rrëzuan edhe këtë kërkesën të opozitës për ngritjen e një Komisioni Hetimor për parandalimin e konfliktit të interesit për abuzimet me fondet publike.
Kjo është kërkesa e tretë e grupit të deputetëve të PD për ngritjen e komisioneve hetimore.
Më herët mazhoranca refuzoi edhe dy kërkesa të opozitës për ngritjen e Komisioneve hetimore për rrjedhjen e të dhënave të qytetarëve nga sistemi TIMS si dhe një tjetër për koncensionin e sterilizimit.
Discussion about this post