Kuvendi ka rrëzuar me shumicë të votave propozimin e PD-së.
Propozimi i deputetëve të Partisë Demokratike ishte që rend dite të ishte hetimi ndaj një ish-agjenti të FBI, që ka takuar edhe kryeministrin Edi Rama.
Shumica e deputetëve të maxhorancës nuk kanë votuar që në rend dite të jetë kjo temë. Sali Berisha dhe deputetët pranë tij kanë bllokuar Foltoren, duke hedhur akuza të rënda. Berisha tha se Rama nuk është në Kuvend, sepse nuk përballet dot me akuzat.
“Këto ditë Shqipëria gjendet në epiqendër të një cikloni që do të poshtëronte çdo vend të madh. Kryeministri, ministra dhe këshilltarë janë të implikuar në një aferë korruptive, në korruptimin e njërit prej njerëzve në SHBA. Prej muajsh një juri ka urdhërua hetimin e çdo mesazhi, çdo takimi, çdo dhuratë-udhëtim e gjithçka tjetër mes McGonigal-Duçkës-Nezës dhe Edi Ramës.
Kjo juri e citon në vendimin e saj në mënyrë të përsëritur Edi Ramën. Skandali shpërtheu në arrestimin e McGonigal nga FBI, i cili akuzohet se në raport me kryeministrin e Shqipërisë, ai ka fshehur dhe ka manipuluar e falsifikuar dokumenta. Akuzohet se ky njeri i pafytyrë ka marrë porosi me para nga zyra e kryeministrit shqiptar për të hetuar lobimin e opozitës. Jemi këtu ne, ne qëndrojmë sot edhe deri pasnesër në drekë po deshe ti. Sepse ky kryeministër, ka kryer një krim të shëmtuar. Nuk mund të ketë debat tjetër veç këtij, shqiptarët duhet të marrin vesh të vërtetën, Edi Rama të vijë këtu, ose të shpallë dorëheqjen dhe të dëshmojë në SHBA. Çfarë kërkoni ju të ndodhë më shumë se kaq. E dini ju se çfarë ishte roli i McGonigal. E dini që Damiani juaj është zëdhënësi kryesor i interesave”, deklaroi Berisha.
Discussion about this post