Rrëzohet shtylla elektrike në autostradën Tiranë-Durrës dhe shkakton aksident

Është thyer në mes një shtyllë elektrike në anë të autostradës Tiranë-Durrës, ndërsa kablli elektrik ka rënë mbi karraxhatë.

Mësohet se një mjet kishte ndaluar në afërsi të shtyllës, dhe më pas është përplasur nga një tjetër mjet nga pas, duke goditur shtyllën, e cila pas disa minutash u këput, pasi ishte e amortizuar.

Si pasojë, është krijuar trafik i rënduar në njërën anë të autostradës. Sakaq, policia ndodhet në vendngjarje dhe po punon për lirimin e rrugës.