Rrëzohet shtylla, plagoset rëndë punëtori shqiptar në Greqi

Një aksident i rëndë industrial ka ndodhur pas depos së Bashkisë së Korinthisë në Greqi.

Punishtja e një kontraktori të jashtëm po kryente punimet e montimit të shtyllave kur në një moment rrëzohet një nga shtyllat, duke lënduar rëndë  punëtorin rreth 50 vjeç, me origjinë shqiptare.

Menjëherë është lajmëruar ambulanca e EKAV Korinth, e cila ka mbërritur menjëherë dhe i lënduari është transportuar në spital.

Ai u diagnostikua me lëndime të rënda dhe një hematomë të madhe në kokë. Shqiptari do të dërgohet në një spital të Athinës.