Rrëzoi nga shkallët 41-vjeçarin nga konflikti i çastit, Policia arreston të riun në Elbasan

Policia e Elbasanit ka vënë në pranga autorin e plagosjes së 41-vjeçarit në Elbasan, ngjarje e ndodhur mbrëmjen e sotme në një lokal.

Në përfundim të veprimeve të para hetimore, u bë arrestimi në flagrancë e 24-vjeccarit me emrin Bernardo Petrit Kasriu, banues në Elbasan, për veprën penale “plagosje e rëndë me dashje”.

Sipas policisë, ky person për motive të dobëta, gjatë një konflikti fizik të çastit, rrëzoi në shkallë 41-vjeccarin A.Q., duke i shkaktuar plagë të rënda, i cili ndodhet në Spitalin Universitar të Traumës në Tiranë, për ndihmë më të specializuar mjekësore.

Nën drejtimin e Prokurorisë vijon puna për sqarimin e plotë të rrethanave të ngjarjes.