Kryetari i partisë së Lirisë, Sali Berisha, ka zhvilluar këtë pasdite një takim me intelektualët në Tiranë. Gjatë takimit është folur mbi gjendjen e kryeqytetit, ku nuk ka kursyer akuzat dhe kritikat ndaj Ramës, për kohën ku ishte kryebashkiak në Tiranë. Berisha tha se gjatë 11 viteve si kryebashkiak i Tiranës, Rama vetëm kishte vizatuar dhe se gjatë gjithë javës qëndronte në Pezë, duke u kthyer në fundjavë për t’u thënë qytetarëve se ishte në krye të punës.
“U mor me vizatimet por në 11 vite nuk bëri planin e qytetit. Në 11 vite e kafshoi qytetin siç deshi krejtësisht mbi parime korruptive. Ai kishte një stil, gjithë javën rrinte në Pezë dhe vinte të shtunë e të dielë për t’u thënë qytetarëve se po vdes në punë. Por unë ju them juve, në 4 vite, ka rindërtuar 12 kilometra rrugë gjithsej. Tirana ka mijëra kilometra rrugë të paasfaltuara edhe sot. Bëri një gjë të mirë, vëri vendim qeverie ku shpalli zonë të mbrojtur atë zonë që e meritonte të ishte e tillë. Por ky njeri do i vërsulej me tërbim ta shkatërronte këtë zonë. Çdo qytet është normale të ketë ndërtime të kohës. Arkitektë të cilat në Roterdam apo vende të tjera, kanë ndërtuar kryevepra, këtu transformohen me Edi Ramën dhe këtë kryetar bashkie, ata përshtaten dhe çdo gjë e dikton pesha e drogës”, tha Berisha.
Ndërsa theksoi se gjëja e vetme e mirë që Rama kishte bërë gjatë punës së tij, ishte vendimi për mbrojtjen e zonave të cilat e meritonin këtë status. Por më tej shtoi se edhe këtë vendim e shkeli duke ndërtuar kulla kudo.
Discussion about this post