Ditën e sotme mijëra qytetar grek janë ngritur në grevë 24-orëshe kundra rritjes së çmimeve. Ata kanë marshuar përpara selisë së kryeministrisë nën sloganin “Rrisni rrogat, ulni çmimet”. Si rezultat i kësaj situate punëtorët kanë pezulluar punën në sektorë të ndryshëm madje edhe në sektorin e transportit publik.
Gjithashtu, lidhur me situatën rritja e çmimeve ka detyruar që grekët që të lënë punët dhe të ndërgjegjësohen duke u ngritur në protesta mbarëkombëtarë.
Nga ana tjetër, sindikatat kanë ngritur punëtorët e tyre në protesta nën sloganin “Nuk mjafton rroga, nuk del fatura”. Grevës i janë bashkuar edhe punonjës të transportit publik, autobusëve, hekurudhave, tramvajeve, metrove si edhe linjave detare. Përveç fluturimeve, të cilat do të vijojnë si normalisht, shërbimet e tjera të transportit kanë pezulluar punën ditën e sotme.
Më herët në grevë do të dilnin edhe kontrollorët të fluturimeve ajrore, por protesta e tyre u shpall e paligjshme. Në grevën kombëtare marrin pjesë për 4 orë edhe punonjësit e medias, të cilët protestojnë për rritjen e rrogave dhe kundra rritjes së çmimeve.
Theksojmë se, që prej fillimit të luftës në Ukrainë, inflacioni ka shënuar vlera të larta pothuajse në të gjitha shtetet, përfshirë edhe ato më të pasurat. Si rezultat mijëra qytetarë kanë mbushur sheshet kryesisht për rritjen e çmimit të naftës dhe të energjisë elektrike, por edhe për ushqimet e shportës.
Discussion about this post