Situata e pandemisë në Itali, vijon të jetë kritike. Sipas raportit të publikuar nga Ministria e Shëndetësisë në 24 orët e fundit janë regjistruar 184,615 raste të reja me koronavirus nga 1,181,179 teste të kryera.
Ndërkohë, shkalla e pozitivitetit qëndron në 15.6%, nga 16.5% që ishte të mërkurën. Po ashtu, autoritetet e shëndetit në vend bënë të ditur se në 24 orë janë regjistruar edhe 316 vdekje. Kurse, sa i përket situatës në spitale raportohet se në njësitë e kujdesit intensiv janë duke marrë kujdes shëndetësor 1,668 pacientë ndërsa në pavijonet e tjera Covid janë shtruar 339 pacientë më shumë.
Të shëruarit për sot janë 82,803.
Discussion about this post