Ditën e sotme në Greqi raportohet se janë rritur infektimet në krahasim me një ditë më parë. Sipas të dhënave të publikuara nga Ministria e Shëndetësisë atje, gjatë 24 orëve të fundit janë shënuar 3.937 raste të reja. Nga krahu tjetër, për fat të keq, nuk e kanë fituar betejën me virusin 54 qytetarë.
Në njësitë e kujdesit intensive, në të gjithë spitalet e Greqisë ndodhen të shtruar 354 pacientë. Ndër të tjera bëhet me dije se, nga pacientët e intubuar, 314 (88.7%) janë të pavaksinuar ose pjesërisht të vaksinuar dhe 40 (11.3%) janë plotësisht të vaksinuar.
Kujtojmë se dje, të dielën, më 24 tetor, janë shpallur 2098 raste dhe 30 të vdekur, ndërsa me intubim janë trajtuar 365 pacientë. Çka tregon se nga dita në ditë shifrat në shtetin fqinj po përkeqësohen dhe ka shumë gjasa që qeveria të përforcojë masat anticovid.
