Kurba e të infektuarve në Greqi vazhdon të shënojë rritje çdo ditë. Sipas të dhënave të publikuara nga Ministria e Shëndetësisë në Greqi, në 24 orët e fundit regjistrohen 4108 raste të reja dhe 76 humbje jete. Ndërsa një ditë më parë u raportuan 69 vdekje. Sakaq, bëhet me dije se numri i përgjithshëm i rasteve me COVID është 878.920, nga të cilët 50,6% janë meshkuj.
Ministria raporton se 590 pacientë (60,8% meshkuj) janë në intubim. Mosha mesatare e tyre është 65 vjeç. 83.4% kanë një sëmundje të tjera dhe janë mbi 70 vjeç. Nga pacientët e intubuar, 490 (83,05%) janë të pa vaksinuar ose pjesërisht të vaksinuar dhe 100 (16,95%) janë plotësisht të vaksinuar.
Discussion about this post