Janë dyfishuar rastet e reja me Covid-19 në Greqi. Ministria e Shëndetësisë bën me dije se në 24 orët e fundit janë regjistruar 6950 raste të reja. Numri i përgjithshëm i rasteve është 838,824.
Vdekjet e pacientëve me COVID-19 janë 72, ndërsa që nga fillimi i epidemisë janë regjistruar gjithsej 16838 vdekje.
Situata nga koronavirusi në Greqi nuk është aspak e mirë, teksa rastet kanë ardhur në rritje. Autoritetet shëndetësore atje kanë ngritur alarmin, duke e cilësuar këtë një pikë kritike.
Një ditë më parë u raportua se një foshnje 4 muajshe po lufton me virusin në spitalin “Ippokratio” të Selanikut. Raportohet se infektimi me Covid-19 i ka shkaktuar probleme me frymëmarrjen, teksa bëhet me dije se foshnja ishte dërguar fillimisht në spitalin e Komotinit, por mjekët aty vendosen që ta dërgojnë për mjekim më të specializuar në Selanik.
Discussion about this post