Ministria e Shëndetësisë raporton se gjatë 24 orëve janë regjistruar 2,876 raste të reja ndërsa numri i përgjithshëm i rasteve arrin në 666,517.
Ndërkohë bëhet me dije se 34 qytetarë kanë humbur jetën ndërsa që nga fillimi i epidemisë janë regjistruar gjithsej 14,991 vdekje.
Greqia ka regjistruar një rritje të rasteve të reja në krahasim me një ditë më parë. Ministria e Shëndetësisë ditën e djeshme ka raportuar se 2,125 qytetarë kanë rezultuar pozitivë gjatë 24 orëve.
Gjithsesi, autoritet greke lajmërojnë se masat aktuale do të mbeten në fuqi edhe për disa javë, pasi numri i të infektuarve është ende i lartë dhe kemi stinën më të rrezikshme përpara.
