Tensionet në Lindjen e Mesme vijojnë të rriten.
Safëat Al Kahlout i Al Jazeera, duke raportuar nga Gaza tha se Izraeli ka filluar të gjuajë breshëri predhash artilerie në veri të Rripit të Gazës.
“Qindra familje tani po evakuohen nga shtëpitë e tyre në veri të Gazës për shkak të hedhjes së predhave të artilerisë së rëndë. Shërbimet e ndihmës së shpejtë na thanë se disa nga raketat kishin goditur disa shtëpi në të ashtuquajturin fshat Beduin, i cili është shumë afër kufirit, ” ka thënë reporteri.
“Është skenari i njëjtë i luftës së vitit 2014 kur qindra familje gjithashtu u evakuuan nga shtëpitë e tyre për shkak të të shtënave të rastësishme,” shtoi ai.
“Ata besojnë se ka shumë njerëz nën rrënoja. Deri më tani shërbimet e ndihmës së shpejtë thonë se ata kanë arritur të marrin pesë trupa, përfshirë fëmijë dhe gra nga një prej shtëpive të shkatërruara.”
