Numri i të vdekurve në luftën mes Izraelit dhe Hamasit po rritet.
Sipas të dhënave të fundit të publikuara nga Sky News, të paktën 1300 izraelitë kanë humbur jetën në sulmet terroriste të Hamasit që filluan të shtunën e kaluar.
Në të njëjtën kohë, numri i të vdekurve në Rripin e Gazës është rritur në 1200, siç njoftoi Ministria e Shëndetësisë e enklavës.
Izraeli sot vazhdon të godasë pa pushim Rripin e Gazës, pasi u zotua se do të “dërrmojë” dhe “shkatërrojë” lëvizjen islamike palestineze Hamas, përgjegjëse për sulmin më vdekjeprurës në histori kundër shtetit hebre.
Në ditën e gjashtë të luftës mes dy armiqve, sulmet izraelite vazhduan gjatë natës kundër Rripit të Gazës, nga ku u hodhën raketa në jug të Izraelit.
E gjithë kjo pak orë para mbërritjes në Izrael të kreut të diplomacisë amerikane Anthony Blinken për një vizitë në mbështetje të aleatit amerikan.
“Çdo anëtar i Hamasit është një njeri i vdekur ,” tha kryeministri izraelit Benjamin Netanyahu dje, të mërkurën, gjatë fjalimit të tij të parë zyrtar si pjesë e qeverisë së jashtëzakonshme që ai formoi dje me Benny Gantz, një nga liderët kryesorë të opozitës.
“Hamasi është Daesh dhe ne do ta shtypim dhe shkatërrojmë atë siç e shkatërroi bota Daesh-in”, shtoi ai pasi e quajti sulmin “të egër të paprecedentë që nga Holokausti”.
Të shtunën, më 7 tetor, një ditë pushimi për hebrenjtë, qindra luftëtarë të Hamasit u infiltruan në Izrael me automjete, ajër dhe det dhe vranë më shumë se 1000 civilë në rrugë, në shtëpitë e tyre ose në një festë të madhe, duke mbjellë terror nën një dush raketash.
Discussion about this post