Rritet me 33% çmimi i biletës së shërbimit urban në Vlorë. Këshilli Bashkial i Vlorës miratoi sot kërkesën e firmës private që administron shërbimin urban.
Edhe pse nuk ishte e përcaktuar në rend të ditës për tu diskutuar sot nga këshilltarët, kërkesa e përfaqësuesit të Firmës Private është miratuar pa hezitim dhe pa kërkuar afate për ta diskutuar si pikë.
Kështu qytetarët e Vlorës nga nesër biletën që paguanin 30 lekë do e paguajnë 40 lekë. Nga ana tjetër qytetarët e Vlorës përballen me probleme në shërbimin urban sikurse janë mos zbatimi i itinerareve dhe orarit apo edhe kushtet e munguara në urbane.
Discussion about this post