Rritet fatura e ujit të pijshëm në Kukës, si për familjarët ashtu edhe për bizneset. Kështu, çmimi do të shkojë nga 38 m2 lek në 53m2 lekë. Rritja shënon afro 28%, edhe faturat aforfe janë ngritur me afro 200 lek më shumë (614 në 820).
Ndërsa për abonentët biznes privat kjo rritje ka shkuar në 175m2 lekë nga 125m2 lekë që ka qenë. Por në këtë kohë krize pjesa më e madhe e artikujve janë dyfishuar duke rënduar më tepër ekonominë familjare të banorëve kuksianë.
Ata ngrenë edhe shqetësimin e mungesës së furnizimit me ujë të pijshëm. Pavarësisht që Kukësi është i rrethuar me burime ujore, uji në çezmat e konsumatorëve familjarë qëndron vetëm 4 orë në ditë.
Rritja e çmimit të ujit të pijshëm në këtë periudhë të krizës së çmimeve dhe naftës duket e pa kuptimtë, për faktin se ujësjellësi i Kukësit furnizimin e bënë me rrjedhje të lirë, pa përfshirë asnjë kosto për ngritje mekanike apo elektrike ( të gjitha burimet ndodhen në lartësi nga qendrat e banuara) Prandaj qytetarët shprehen kundër kësaj rritjeje, por janë të detyruar të paguajnë faturat e ujit.
Kukësi edhe pse ka burime të mjaftueshme për furnizimin me uji të pijshëm asnjëherë nuk është furnizuar 24 orë në ditë, përkundrazi gjatë viteve të fundit ka pasur edhe helmime masive të qytetarëve, episode këto të përsëritura dy herë brenda katër vitesh, por askush nuk ka guxuar të drejtojë gishtin se kush ishte shkaktari i helmimeve.
Kjo ka detyruar shumë konsumatorë, që prej vitesh, ujin në çezma nuk e përdorin për ta pirë. Ata kanë zgjedhur të shfrytëzojnë burimet apo duke blerë bidonë me ujë.
Discussion about this post