Çmimi i gazit në Europë ka pësuar një rritje me 16.36%, duke arritur vlerën e 135.00 euro për megavat orë. Sipas ekspertëve kjo rritje është unike, për shkak se çmimet e energjisë nuk janë rritur asnjëherë kaq shumë e kaq shpejt.
Ekspertët dhe analistët kanë reaguar në lidhje me këtë çështje madhore.
Sipas Presidentes së Komisionit Europian, Ursula von der Leyen ka pohuar se çështja e çmimeve të larta të energjisë është një çështje serioze dhe se ka një rëndësi të madhe për investimet në burime të ripërtëritshme të energjisë në planin afatgjatë, në mënyrë që të shmanget një situatë e ngjashme.
“Për Bashkimin Europian është shumë e rëndësishme të investohet në burime të rinovueshme që ofrojnë çmime të qëndrueshme, sepse 90% e gazit natyror importohet pikërisht prej BE.
BE ka ngritur alarmin për shkak të rritjes së kostos së energjisë, teksa Komisioni Europian njofton se javën e ardhshme do të paraqesë një sërë masash për ta përballuar këtë situatë kritike.
