Numri i vdekjeve me koronaviurs në Shqipëri kanë pësuar rritje në 24 orët e fundit, ku sipas të dhënave të Ministrisë së Shëndetësisë 9 njerëz kanë humbur jetën dhe 572 qytetarë kanë rezultuar pozitivë.
“Aktualisht në Spitalet COVID po marrin trajtim 179 pacientë, nga të cilët 31 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19 9 qytetarë: 1 qytetar nga Kavaja 57 vjeç, 4 qytetarë nga Tirana 62-83 vjeç, 1 qytetar nga Shkodra 64 vjeç, 1 qytetar nga Përmet 68 vjeç, 1 qytetar nga Elbasani 72 vjeç dhe 1 qytetar nga Fieri 78 vjeç.
Janë shëruar 825 qytetarë gjatë 24 orëve të fundit, duke e çuar numrin e të shëruarve në 162,322 që nga fillimi i epidemisë.”, thuhet në njoftim.
Ndër të tjera bëhet me dije se nga 3808 mijë testime të kryera, kanë rezultuar pozitivë 572 qytetarë, ndërsa në të gjithë vendin regjistrohen me koronavirus gati 9 mijë persona.
“Janë kryer 3808 testime, nga të cilat kanë rezultuar pozitivë me COVID19, 572 qytetarë, në këto bashki: 237 në Tiranë, 45 në Fier, 23 në Durrës, 19 në Kamëz, 17 në Elbasan, nga 16 raste në Shkodër, Lushnje, 15 në Dimal, 14 në Sarandë, nga 13 raste në Gjirokastër, Korçë, 11 në Vlorë, nga 9 raste në Kukës, Lezhë, 8 në Berat, 7 në Peqin, 6 në Krujë, nga 5 raste në Kurbin, Dibër, Himarë, Cerrik, Memaliaj, nga 4 raste në Pogradec, Konispol, Divjakë, Patos, nga 3 raste në Malësi e Madhe, Shijak, Vorë, Rrogozhinë, Mallakastër, Tepelenë, Kuçovë, Skrapar, Poliçan, nga 2 raste në Librazhd, Gramsh, Kolonjë, Devoll, Këlcyrë, Përmet, Bulqizë, Mirditë, Has, Tropojë, nga 1 rast në Vau i Dejës, Fushë Arrëz, Kavajë, Delvinë, Dropull, Maliq”, njofton MSH.
Prej disa javësh vendi ynë po raportonte një numër të lartë vdekjesh nga virusi, ndërsa rastet e reja filluan të reduktohen që në 10 ditshin e fundit të shtatorit.
Ditën e djeshme janë regjistruar 7 persona që kanë humbur jetën dhe 600 qytetarë të cilët kanë rezultuar pozitivë. Kjo tregon që numri i vdekjeve është rritur ndërsa numri i infektimeve është ulur.
