Ministria e Shëndetësisë në Itali, ka publikuar shifrat e personave të prekur me Covid-19, të konfirmuar në këto 24 orë të fundit. Në testimet e bëra, kanë rezultuar pozitivë 2437 persona, si dhe 24 viktima.
Aktualisht situata paraqitet disi më e stabilizuar, ndërsa shkalla e pozitivitetit është 0.6%.
Numri total i të prekurve nga koronavirusi në vendin fqinj është 4 milionë e 717 mijë e 899 persona, ndërsa ai i vdekjeve 131 mijë e 541.
Italia aktualisht regjistron 43 milionë e 859 mijë e 38 të vaksinuar.
Në krahasim me 17 tetorin e vitit të shkuar, raportohen 50% më pak persona të cilët kanë humbur jetën në harkun kohor të 24 orëve, ndërsa numri i të infektuarve është 80% më i ulët.
