Në 24 orët e fundit Kosova ka regjistruar tetë viktima si pasojë e Covid-19, pesë të vdekur më shumë krahasuar me ditën e djeshme. Gjatë kësaj kohe, nga 4.320 testime, janë raportuar 68 raste të reja të infektuara me këtë virus.
Ministria e Shëndetësisë së Kosovës bën me dije se sot janë shëruar 323 qytetarë, ndërsa numri i përgjithshëm i të shëruarve është 153.672. Në total numri i rasteve aktive është 3.342.
Sipas njoftimit, që prej fillimit të vaksinimit në të gjitha qytetet e Kosovës janë dhënë 1.299.482 doza të vaksinës, ndërsa vetëm në 24 orët e fundit janë vaksinuar me dozën e dytë 513.544 qytetarë.
