Ministria e Shëndetësisë në Maqedoninë e Veriut njofton sot se nga 2.754 testime janë regjistruar 349 raste të reja me koronavirus.
Gjatë 24 orëve të fundit po ashtu janë shënuar 208 pacientë të shëruar dhe 12 të tjerë kanë humbur jetën, ndërsa prej tyre 3 janë nga Shkupi, nga 2 nga Shtipi dhe Sveti Nikole dhe nga 1 në Kumanovë, Manastir, Radovish, Strumicë dhe Dojran.
Në Maqedoni që nga fillimi i pandemisë janë regjistruar gjithsej 202.552 raste me koronavirus, ndërsa prej tyre 188.540 janë shëruar dhe 7.132 persona kanë humbur jetën.
Prej muajit nëntor, për të hyrë në një kafene në Maqedoninë e Veriut do të kërkohet doza e dytë e vaksinës.
Ky vendim është marrë dje në mbledhjen e qeverisë, ku janë miratuar masa të reja të cilat vijnë me propozim të Komisioni për Sëmundje Ngjitëse.
Qeveria gjithashtu njoftoi se do të lejohet organizimi dhe mbajtja e seminareve, trajnimeve, kurseve, mbledhjeve, punëtorive, konferencave në pjesën e mbyllur me 50% të kapacitetit.
