Rritje e çmimit të biletës me 200 lekë, nga 500 në 700 lekë gjithashtu rritje ka pësuar Shkodra dhe Lezha, ndërsa qytetarët nuk janë informuar ende për ndryshimet.
Kreu i Qendrës së mbrojtjes së Konsumatorëve Hasan Stafa, ishte i ftuar në emisionin “Epiqendër” në Ora News me gazetaren Sonila Musai ku foli rreth ankesave të qytetarëve për rritjen e çmimit për dy nga 10 linjat urbane të Bashkisë Kamëz, konkretisht Kamëz–Tiranë dhe Paskuqan–Tiranë.
Banorët e Kamzës dhe Paskuqanit përballen me një rritje të çmimit të biletës së autobusit me 10 lekë dhe të abones mujore nga 1,200 në 1,400 lekë. Shumë qytetarë e konsiderojnë rritjen të pajustifikueshme, duke u ankuar për kushtet e dobëta dhe mbipopullimin e autobusëve. Pensionistët janë më të indinjuarit, ndërsa disa qytetarë tregohen indiferentë ndaj ndryshimit.
Vendimi për rritjen e çmimit u mor nga Këshilli Bashkiak më 27 shtator dhe u transmetua live, por nuk u shpall në faqen zyrtare të bashkisë dhe nuk u konsultua paraprakisht me banorët. Bashkia ka argumentuar se rritja është e nevojshme për të përballuar kostot e karburantit, mirëmbajtjen e linjave dhe trafikun e rënduar. Linjat operohen nga “Shpresa AL Transport”, që mbulon si Kamzën, ashtu edhe lidhjet me Tiranën.
gijotina.com/
Discussion about this post