Orë pas ore zemërimi për Rexhep Tajip Erdogan në Turqi po rritet. Reagimet e qytetarëve në zonat e prekura nga tërmeti tashmë po e pluhurosin narrativën që presidenti turk ndërtoi vitet e kaluara për një Turqi të… të fortë dhe të begatë.
Ditët e mëparshme shpërtheu një valë zemërimi kundër zyrtarëve qeveritarë që vizitonin zonat e rrafshuara nga stuhia. Në shumë raste viktimat e tërmetit nuk i miratuan ministrat që i vizituan.
Mirëpo, përderisa mosekzistenca e makinës shtetërore në Turqi vazhdon dhe populli mbetet në thelb i pafuqishëm, zemërimi i drejtohet personalisht Rexhep Tajip Erdoganit.
Një burrë që humbi nënën e tij nga tërmeti vdekjeprurës tregon në kamera gruan e vdekur që mbetet edhe tani (për të tetën ditë) e bllokuar nën rrënoja!
“Për hir të Zotit, kushdo që ka një grimë ndërgjegje le të shikojë këtu. Ai është në këtë gjendje që nga e hëna, ka ndërruar jetë të martën. Mjaft. Po sikur kjo të ishte nëna juaj Recep Tayyip Erdogan? Çfarë ndodhi me liderin botëror (që ju thoni se jeni)? Ku jeni? Ku?” thotë i zemëruar nga Antiokia.
Dy tërmete shkatërruese goditën të hënën pjesë të Turqisë dhe Sirisë. Tërmeti kryesor u pasua nga dhjetëra pasgoditje. Sipas informacioneve të fundit, më shumë se 36,000 njerëz kanë vdekur dhe shifra pritet të vazhdojë të rritet. Fillimisht jugu i Turqisë u godit nga një tërmet me magnitudë 7.8 gradë të shkallës Rihter dhe u ndje në disa vende të rajonit dhe përveç njerëzve në Turqi, viktimat më të shumta ishin në Sirinë fqinje.
Discussion about this post