Kreu i Partisë Demokratike, Lulzim Basha ka publikuar një raport që sipas tij, shpreh se rritja e aplikimeve për azil në vendet e BE-së nga shqiptarët, tregon se masakra elektorale e 25 prillit nuk zgjidhi asgjë për ta.
Përmes një postimi në Twitter, lideri i opozitës, shprehet se vetëm me anë të Vettingut në politikë mund t’i vijë fundi kësaj katastrofe, duke thyer bashkëpunimin mes politikës dhe krimit.
“Me përjashtim të një lufte civile, një nga arsyet madhore pse njerëzit largohen nga vendi i tyre është korrupsioni. Rritja e aplikimeve për azil në vendet e BE-së dëshmon edhe njëherë se masakra e 25 prillit nuk zgjidhi asgjë për shqiptarët. Fundi i kësaj katastrofe kombëtare, kërkon një përballje frontale me korrupsionin, duke thyer bashkëpunimin mes politikës, krimit dhe oligarkisë, që ka shkërmoqur demokracinë dhe po mbyt të ardhmen e duke e bërë të pajetueshme për familjet shqiptare”, shkruan Basha.
PD propozon një Vetting të njëjtë si ai i Reformës në Drejtësi, ku këtë herë subjekte nuk do të jenë gjyqtarët dhe prokurorët, por politikanët. Vettingu në Drejtësisë ka tri shtylla; kontrolli i pasurisë; integriteti i gjyqtarit, prokurorit, apo punonjësit të drejtësisë, pra nuk duhet të kenë lidhje të dyshimta me krimin, dhe në fund profesionalizmi.
Discussion about this post