Në fjalën e tij nga foltorja e Kuvendit, deputeti socialist Erion Braçe ka folur për rritjen e çmimeve. Ai hodhi një sërë kritikash për qeverinë, duke thënë se në vendin tonë krizë po ndihet më shumë pasi ka më shumë abuzime dhe institucionet nuk reagojnë si duhet. Sa për TVSH e shportës ushqimore, ai tha se në kohë krize qeveria duhet ta rishikojë, ndërsa shtoi
“Kriza tek ne po ndihet më shumë, pasi kriza jonë vjen nga abuzim brenda, krize që vjen nga manipulimet brenda tregut vendas. Prandaj, duhet të thuash të vërtetën. Thuhet se kemi TVSH të reduktuar, por e vërteta nuk është kështu, ne vendosëm TVSH 10 %, por duhet rishikim kur çmimet rriten. Duhet zbatuar ligji i transparencës. Njerëzit kanë të drejtë si u shkua tek çmimi i lartë i bukës, i vajit. Bujqit kanë nevojë të dinë si shkuam te rritja e çmimit të naftës, të uresë të nitratit. Kur në doganë këto nitrate kalohen më lehtë dhe vjen më lartë tek fermerët tanë, kjo pra është zhvatje”, tha ai.
Ndër të tjera ai tha se qeveria duhet të rikthejë konkurrencën, por më transparencë. Kërkoi, të konkurrohen ato shoqata që përdoren për të përfituara, ato duhet të konkurrohen, se kriza nuk luftohet me fjalë por me veprime konkrete. Ndërsa tha se, duhet krijuar një inspekoriat që kontrollon dhe evidenton abuzimet.
Discussion about this post